Björgvin var 11.5 kg í byrjun mánaðar en er orðinn 11.8 kg. núna. Ég vigta hann alltaf á mánudagsmorgnum og skrifa það hjá mér. Ég nota fitumixtúru sem hann fær 4 matskeiðar á dag af og svo er það build up sem ég blanda með nýmjólk, rjóma og ís. Einnig á að nota mikið smjör og olíu.
Ekki hefur þetta dugað til samt sem áður, hingað til. Nú erum við komin með hvítt duft sem er fullt af kolvetni til að blanda út í vatn og fleira og Björgvin hefur fengið lyf sem er lystaraukandi.
Já það er ekki mikil þolinmæði eftir, hann verður að fara að stækka og dafna. Ég er með þetta á heilanum og hugsa ekki um annað en að reyna að koma einhverju ofan í hann en lystarleysið er svakalegt. Það er mín heitasta ósk í þessu lífi. Krossum fingur að þetta lyf virki og hann muni þyngjast og stækka.
Björgvin hefur mikinn áhuga á að læra að skrifa og þá sérstaklega tölustafina, hérna sjáið þið fallegasta B í heimi :)
FITUMARS! Koma svo! :)
Fljótandifitukveðja úr Svölutjörn,
Ásdís og Björgvin Arnar
4 comments:
Endalaus þolinmæði þín og útsjónarsemi mun bera árangur, þetta verður feitur mars!!
Vildi að ég gæti skrifað svona fallega ;)
Bjarki
Sammála síðasta ræðumanni, nú fer eitthvað að gerast, áfram með smjörið! :)
Kv,
Hrannar
Sæl Björgvin og Ásdís.
Hélt ég væri alveg búin að týna ykkur, en fann loks aftur vefslóðina ykkar áðan. Fannst óskaplega gaman að sjá Björgvin þegar við hittumst.
Dáist að dugnaðinum í ykkur og vona að þetta verði frábær fitumars :)
Bestu kveðjur,
Halldóra Kristjánsdóttir
Elsku Ásdís, ég á ekki orð til að lýsa aðdáun minni á þér fyrir þolinmæðina og þrautseigjuna sem þú býrð yfir. Þetta mun örugglega bera árangur. Thumbs up fyrir litla kútinn hennar ömmu sinnar sem fær að sjá hann alltof sjaldan. Elska ykkur bæði.Olg´amma
Post a Comment